10.18296/set.2.2012
— · set Research Information for Teachers · 2012
Not cached yet. This record was fetched live for this request and is stored after the lookup. Reopening the page should serve the cached copy.
set Research Information for Teachers · NZCER Press, New Zealand Council for Educational Research · paratext · 2012
Abstract
He Kupu nā ngā ĒtitaKa nui te rekareka o Te Wāhanga ki te tuku i tēnei putanga motuhake o set, ko Te Haere a ngā Ākonga Māori i ngā Ara Rapu Mātauranga te arotahinga.Katoa ngā tuhinga o tēnei putanga, mō ngā kaupapa rangahau e tāpae kōrero ana ki te ao rapu mātauranga o Aotearoa, he kitenga rangahau ko te taunakitanga tonu tōna tūāpapa.Hei aha?
Hei whakapai ake i te takahi haere a ngā ākonga Māori me ō rātou whānau i ngā ara kimi mātauranga o Aotearoa.He maha tonu ngā āhuatanga o te Māori i ngā ara rapu mātauranga ka tirohia i ngā tuhinga nei.Ā, ka kite iho te karu pānui ko ētahi kaupapa Māori taketake pērā i te whānaungatanga, i te manaakitanga, i te rangatiratanga, i te tūrangawaewae, e paihere ana i ngā kōrero nei.Ko ia tuhinga kei te whakaatu mā te kuhu atu i ngā kaupapa Māori ki ngā mahi o te akomanga me te kura whānui, ka kaha ake te noho ora o ngā ākonga Māori me ō rātou whānau, ka kaha ake anō hoki te puta o ngā ihu o aua ākonga i ngā mahi kimi mātauranga.Ko tētahi atu mea e kōtuitui ana i ngā tuhinga e takoto ake nei, ko te titiro ki te ākonga Māori me tōna whānau katoa atu-kāore e meatia kia noho wehe te ākonga i tōna whānau.Ko te kaha eke a te tamaiti i ngā taumata o te mātauranga, kei te āhua tonu o te torokaha o te hono o te whānau ki ngā mahi o te kura.Ko tētahi mahi hei whiri i tēnei hono, ko te whakatū marae ki te kura, ā, koinei te kaupapa o te kōrero tuatahi o tēnei putanga, "Marae ā-kura: Tracing the Birth of Marae in Schools", nā Dr Jenny Bol Jun Lee.Ko tētahi atu, ko te āta whai wāhi atu a ngā whānau ki te tārainga o te marautanga ā-kura, ā, koinei te kaupapa o te tuhinga tuarua, "Critical Issues for Whānau in English-medium Schools".E mea ana te kōrero a Dr Melinda Webber, a "Identity Matters: Racial-ethnic Identity and Māori Students", ki te mōhio te taiohi he Māori ia, ki te pai anō ōna whakaaro ki tōna taha Māori, ka pakari ake tana tū i te kura.Ehara i te mea nō roto anake o te tamaiti tēnei mea te tū pakari-he wāhi anō kei tōna whānau, kei tōna hapori e tū kaha ai.Ko tētahi o ana tino kōrero, mō ngā
Open the resolved locator · 10.18296/set.2.2012
Metadata licence: OpenAlex metadata (CC0)